गूगल ऍडसेंन्स
संकेतस्थळाचा पत्ता : www.google.com/adsense/
गूगलच्या अनेक उपयोगी उपक्रमांपैकी ' गूगल ऍडसेंन्स ' हा खास संकेतस्थळावरील जाहिरातींपासून पैसे कमविण्यासाठी बनविलेला प्रोग्रॅम. या प्रोग्रॅमद्वारे आपण आपल्या संकेतस्थळावर गूगलच्या ' गूगल ऍडसेंन्स ' च्या माध्यमातून इतरांच्या जाहिराती आपल्या संकेतस्थळावर ठेवू शकतो व आपल्या संकेतस्थळ पाहणार्‍यांनी या जाहिरातींवर क्लिक केल्यास त्यापासून आपणास चांगले पैसे मिळू शकतात. सर्वात महत्त्वाचे म्हणजे हे 'गूगल ऍडसेंन्स ' अगदी मोफत आहे.
जाहिरात हा सध्याचा इंटरनेटवरील दररोज वाढत जाणार एक प्रकल्प बनला आहे. इंटरनेवरील जाहिरातींद्वारे आपणास जगभरातील लाखों लोकांपर्यंत पोहोचता येते. जाहिरात ही स्वाभाविकच एखाद्या व्यवसायिक हेतूसाठी बनविलेली असते ज्याद्वारे जाहिरातदाराला नंतर मोठा फायदा होणार असतो. इंटरनेटवर जाहिरात करण्यासाठी गूगल प्रसिद्ध आहे तर गूगलने आपला जाहिरात प्रकल्प वाढविण्यासाठी ' गूगल ऍडसेंन्स ' हा प्रोग्रॅम तयार केला आहे. आपले जर संकेतस्थळ असेल तर आपण ' गूगल ऍडसेंन्स ' द्वारे इतरांच्या जाहिराती आपल्या संकेतस्थळावर ठेवू शकता.
' गूगल ऍडसेंन्स ' मध्ये गूगलची भुमिका अशी की गूगल आपल्या संकेतस्थळावरील माहितीवाचून त्या माहितीशी संबंधित जाहिराती आपल्या संकेतस्थळावर दाखवितो. त्यामूळे आपल्या प्रेक्षकांची त्या जाहिरातीवर क्लिक करण्याची शक्यता वाढते आणि जाहिरातीवर क्लिक केल्याने आपल्याला आपल्या संकेतस्थळापासून पैसे कमविण्याचा मार्ग सुरु होतो.